車路士喺周二最後一場歐聯小組賽，主場以1:1打和馬德里體育會，前車仔球星林伯特批評中場泰莫爾巴卡約高踢到好似瞓著咗咁。

56分鐘，馬體會拎到角球，原本應該睇實沙奧尼古斯嘅巴卡約高冇睇實，令到前者輕鬆頂入。雖然車仔出到線，但係「林伯」依然批評呢個法國球員：「佢瞓著咗，佢冇好好集中精神，所以馬體會好易就入到波。我同巴卡約高唔認識，但我覺得佢仲未適應到英國足球，希望佢會進步啦。」

另外佢叫車仔16強抽到巴黎聖日耳門同巴塞隆拿都唔應該驚：「因為如果你要贏到歐聯，你點都要打敗呢啲強隊。」

----------
係你！打造星級球隊，征服各地聯賽！立即加入『BFB CHAMPIONS 2.0』！
http://bit.ly/2xrTKGM