另外,網民又話花姐安排組合MIRROR再參加《造星II》,成員姜濤、Stanley、Lokman、Anson Lo、Ian、Edan、Frankie、Jeremy同Jer都可以順利晉身30強,霸住入圍名額,令到唔少有潛質參賽者入唔到圍。花姐噚日接受訪問就話:「上年呢個時候係20強,𠵱家係30強,MIRROR只係佔咗9個位,就算冇MIRROR,我都仲有21個名額,比往年多,如果唔係因為加MIRROR入去,其實連嗰10個位都冇,我唔單止冇cut到,而且仲加咗㖭。」
至於網民質疑偏心George兼左右陳潔靈意見,花姐激動否認:「我可以發誓,我從來冇干涉賽制,導師接觸參賽者冇我咁多,所以有時會搵我入房問我佢哋平時有冇遲到,同埋為人點,我從來冇叫導師揀邊個。我只係一個監製,點可以左右賽果?我只係想做好個節目,大家唔需要諗得太複雜。」
撰文:馮仁昭