第一次同隔籬嘅青蛙仔合作寫〈救生圈〉,佢喺呢個專欄不時扑中冷嘢,好在我畢傑都唔差,就等我哋兩個整條冷門過關互串吓,話唔埋係今期中大獎。
我打算今次全部玩晒世盃外賽事。重點推介,揀第7組塞爾維亞作客羅馬尼亞不敗,開埋3.35倍冷W都仲得!羅馬尼亞喺小組表現好差,1勝1和1負僅僅好過魚腩法羅群島,佢哋好在打少一場,今場贏唔到塞爾維亞嘅話,出線好大問題。不過睇番嗰3場波,羅軍只係贏過法羅群島,仲主場輸過畀立陶宛0:3㖭!梅度、馬利卡呢啲主力當然有入選,衰在守將捷禾因傷缺陣嗰度弊嘛!小組榜首塞爾維亞話晒有尼曼查維迪、施積同史坦高域等勁人,趁主隊勢頹,唔贏等幾時?波膽要7.5倍嘅0:1啦!