之前曾指那幅歐元拼圖失效，但有「電王」美譽的前輩認為「錯唔晒」，吩咐在下重新再做。拼圖如數浪，不時出現「兩睇」甚至「多睇」。檢視過後，還是以古今兩條等距時間軸做出之結果最像樣。一如恒指拼圖，以古今兩條等距時間軸得爆上結果，但以不同時間比例的則得爆落結果；如今爆上機會稍大，印證「拼時間」之重要。

如圖一示，歐元仍有望於月內上試1.40，分分鐘穿多二三百點；至於下半年以至明春的緩慢升勢會否出現，現不敢說，兩個月後再作檢討。圖二順手拼英鎊，古今同樣相差16個月，但有4、5日誤差。以圖論圖，英鎊還未見底，下月仍會下試近1.45，直至7月初營造雙底，往後升幅亦料有限，頂多1.58。不賭單邊，可買歐元兌英鎊。
拼圖之外，有何基本因素？債券大王指拯救希臘無助解決其債務問題。所言甚是，但不等於歐元要無止境跌。在下常言，滙率是相對的。歐、英、美3地，海軍鬥水兵的現象早已如是，故過去幾年3隻貨幣滙率相對穩定。再講，可以印鈔便可以削債，可以發債便可以拖債；觀乎美國債務危機已拖了十年八載，再拖十年八載又有何不可呢？
所謂明天的難題明天解，過到今天就是神仙。就在這樣的背景下，滙率升升跌跌，只是游資過剩的大環境將升跌幅度放大而已。

羅家聰
mailto:[email protected]