韓劇《原來是美男》男星張根碩，噚日上咗電台節目《金昌烈的OldSchool》接受訪問，仲趁空檔玩手機。傾傾吓佢提到自己當年接拍底褲廣告，被人講足成世嘅事。張根碩話嗰陣爸爸事業失敗要轉做的士司機，媽媽又要去飯堂開工，佢為咗等屋企有錢開飯，所以決定豁出去拍攝底褲廣告：「嗰時係睇錢份上，係守護屋企嘅方法。」

張根碩自言總有一日會結婚，仲自爆已經同居，「我同女友同居緊，佢就係我隻貓。」嘩，嚇得粉絲吖！

雖然之前幾部主演嘅韓劇都收視麻麻，但冇打擊張根碩嘅信心，佢透露已揀好下一部新作。此外，佢被發現喺街上毫無偶像包袱食煙，有粉絲見難得偶遇張根碩，即刻落車要求合照，張根碩都冇sayno，親民到呢。