【今日少鹽】
【本報訊】由政府統籌以傳統手法宣傳飲食少鹽，或予人呆板沉悶的感覺，前主播魏綺珊提議，可找具代表性的人物針對不同群組宣傳，負責全家一日三餐的「煮婦」是重要目標群組，「如果搵啲示範人物出嚟，諗一啲菜式，例如用乜材料代替可以少啲鹽，令佢知道唔需要咁多鹽，成家人都食少好多」。這種少鹽思維更可傳承下一代，自小培養小朋友低鹽飲食習慣。
身兼降低食物中鹽和糖委員會成員的魏綺珊表示，政府除了與連鎖食肆及大型食物製造公司商討減鹽外，另一個減鹽目標應是家庭主婦，「先感染媽咪，再感染細路，令佢哋知道好鹹同好甜都唔好」。年輕人經常外出用膳，也是推廣少鹽的目標群組，可找名人以身作則示範實行低鹽飲食對健康的好處。魏建議政府與食肆商討主動減鹽的可行性，「唔明點解茶餐廳碟頭飯係豉椒雞球飯、粟米豬扒飯，好多肉好多芡，而唔可以係一碟白烚雜菜配飯，對食肆嚟講可能好難收錢，豉椒雞球飯可以收40蚊，白烚雜菜唔得」。

上一代口味較重

魏綺珊的劇團排戲室位於新蒲崗工廠區，附近大部份食肆是茶餐廳，她通常會選湯烏冬或白烚菜「全走」，偶爾吃豉椒雞球飯，最愛蒸魚飯，附近也有一間家庭式飯堂，可要求少肉少飯多菜。
上一代人普遍較重口味，煮飯時會加入較多調味料，如何才能不傷父母心，又改變他們煮食習慣呢？「每次返屋企食飯都會話呢樣幾好，不過如果無咁鹹就更加好，令父母知道原來唔係話佢啲餸唔好食」。她說，以往自己炒菜也會落糖、落鹽，後來改為吃白烚或上湯浸菜，日常堅持要吃得好清淡，早餐會吃麥皮、麵包、牛奶、乳酪或腿蛋米粉，午餐及晚餐保持少肉多菜。
■記者陳沛冰