當年今日
關於我們

楊言向消委會投訴DonnaKaran
譚玉梅買鞋青霞橫刀奪愛

蘋果日報 2002/01/09 00:00


日前有指趙世光的紅顏知己譚玉梅,因為預留的一對皮鞋最後被賣給Esprit老闆娘林青霞,她一怒之下與售貨員起爭拗,還要向消委會投訴。
本報日前收到消息,指趙世光的紅顏知己譚玉梅,日前到中環時裝店DonnaKaran購物,在店內與售貨員起爭拗。據知譚玉梅當日與友人在店內購物,她選購了兩件衫及一對皮鞋,並放於收銀處,然後繼續看其他貨品。

質疑服務態度
後來當譚玉梅付錢時,卻發現售貨員把她看中的一對皮鞋,轉售給了當時正在店內購物的另一位客人,那人正是Esprit老闆娘林青霞。店員當時還向譚玉梅表示,那對鞋是林青霞留起的,譚玉梅聽罷為之氣結。
昨日記者向譚玉梅求證時,她在電話中憤憤不平說:「係有件咁嘅事,我真係未見過啲咁嘅服務態度,明明幫我keep咗對鞋,但後來睇住個sales將對鞋畀咗林青霞同佢啲台灣朋友。我覺得唔應該咁樣囉,我知佢哋係熟客,但都唔可以咁唔公平,應該一視同仁,所以我打算去消費者委員會度投訴。」
鬧羅生門事件
譚玉梅續說:「對鞋得一對,佢哋想畀熟客,都唔好喺我面前咁做呀。如果佢哋大方咁同我講,我可以讓出嚟,冇問題㗎,但佢哋唔啱。」
而時裝店當日當值的售貨員GiGi,昨日則解釋說:「嗰對鞋譚玉梅事先係冇hold起過,佢話size要六號半,但係我哋間shop淨番七號或者八號,咁啱嗰陣時有其他客人要,咁佢冇hold起,我哋先畀第二個客。」至於林青霞,記者至截稿前未能聯絡上。
採訪:HeidiYip、DebbieLum
攝影:DebbieLum、ChanWaiOn