香港演藝界過百代表及9家本地電子傳媒無綫電視、nowTV、有線電視、鳳凰衛視、ViuTV、商業電台、香港電台、TVBNetworkVision及新城電台等,今午3時左右,各大電視台及電台派出代表在尖沙嘴舉行記者會向前線消防員致敬,這次行動由演藝界各界別發起,用了兩天時間籌組,大會亦重新編寫歌詞獻給前線消防人員,有過百歌手及藝人合唱,將陸續進行錄音,由今晚7時開始,9家協助製作電子傳媒機構,均於晚上7時同步播放相關之致敬短片,直至星期二(28日)晚上7時,完整版《真的英雄》活動主題曲將透過上述傳媒機構及各大網絡平台播出。
會上呼籲市民在今晚(6月26日)7時,用一張白紙寫上「#向前線消防員致敬」及亮著手提電話亮燈或亮起小電筒,影一張單頭相,上載到個人facebook,打hashtag並「#向前線消防員致敬」,收集相片將有機會加插在MV中……
曾志偉於會上表示:「我想講番今次點解有呢個行動,大家都知每一個香港人對呢件事都好關心,尤其是第二個消防員出咗事之後,每個人都緊張打電話,好關心大家究竟可以做啲咩嘢,各地香港市民都想做一啲嘢去支持及鼓勵所有嘅消防員,表達我哋對佢哋嘅敬意,由於係咁,我哋考慮畀個平台大家去表達佢哋嘅心意,最大平台當然係眼前嘅9大媒體,好難得大家一致去做一啲嘢,影咗啲相,稍後有一隻歌,首歌我哋會集合大家喺網上掟上嚟嘅相,我哋因應首歌同咁多媒體嘅新聞片中,大家認為值得重溫嘅畫面去配合做MV畀大家睇。」
此外,志偉希望向出咗事、入過火場、或者策劃嘅消防員致敬,而今晚7點將於9大媒體播放一條相關口號嘅影片。