第70屆康城影展正在舉行，甘肅導演李睿珺自編自導新作《路過未來》，入圍咗「一種關注」單元，電影已於當地舉行首映禮，李導演聯同男女主角尹昉與楊子姍等現身首映禮行紅地毯。

身為主競賽電影評審之一嘅范冰冰，都有現身首映以示支持。冰冰話自己呢一日需要睇3至4部主競賽電影，但都要抽空支持華語片，佢亦大讚楊子姍演技話好鍾意呢部戲。

80後導演李睿珺嘅作品已經多次入圍國際影展，《路過未來》亦係今年唯一入選康城影展嘅華語片，故事講述在深圳出生長大嘅甘肅人楊耀婷，見到父母喺鄉村生活唔如意，試圖通過自身努力將父母接到深圳生活嘅故事。