2003年7.1大遊行,50萬人反23條,狄娜表示支持,「嗰時大家反對23條係有一定理由,因為太牽連於個人,我認為23條冇必要。」但她又叫人7.1不應上街,「7.1係一個國慶(記者按:7.1是香港回歸紀念日,國慶是十一),除非你話我係反對香港回歸,咁你咪7.1遊行囉。」
在她眼中,香港的政黨都沒出息。民主黨7.1跳海爭普選,她嗤之以鼻,「胡喱馬叉又話要去跳海,咁你感動邊一個先得㗎?」民建聯愛國愛黨愛唱歌,她覺得無聊,「民主派對唔住香港,淨係識得利用香港人不懂國情;民建聯一樣對唔住香港人,日日唱國歌,咁又點啫?」
狄娜說,民主是「雖然唔同意你講嘅嘢,但係我都要用盡一切力量維護你嘅言論自由。」與此同時,她在訪問過程中多次投訴壹傳媒主席黎智英的放肆言論,指他最近曾公開斥責人大委員長吳邦國「條友黐線㗎,真係頂佢唔順。」狄娜說:「點解佢會講啲咁肉酸嘅說話?你係傳媒之中有名氣嘅人,使乜破口大罵,失晒形象。」