【努力全球發行】貝安琪劉香萍母女同心 新戲報名角逐奧斯卡
蘋果日報 2019/09/23 17:17
貝安琪劉香萍一棵心中的許願樹
貝安琪（Ankie）與母親劉香萍、周潤發家姐周聰玲等，今天於尖沙嘴出席《一棵心中的許願樹》發佈會，宣佈電影報名參加角逐奧斯卡「最佳外語片」。
身為電影導演的劉香萍表示下月1日將有結果，她開心說：「係驚喜多過緊張，我哋都一直做好準備功夫，香港聽日上映，嚟緊會去美國傾發行，希望可以喺荷李活上映，努力傾全球發行，目前香港嘅局勢，大家會留意新聞多過睇戲，所以目前我哋會有四間戲院上映，等10月1號國慶之後再睇下情況，目標係希望喺11月中至月尾有一個正式大型嘅首映禮，到時會請我嘅好朋友汪明荃、周潤發、華仔（劉德華）同成龍大哥，佢哋喺香港嘅都希望可以出席。」
而劉香萍亦透露將開拍續集，希望可以拍成一系列的勵志故事，電影女主角兼編劇Ankie開心獲媽咪給予機會，自己亦希望能夠幕前幕後雙線發展，問到可會考慮當導演？Ankie笑謂都希望可以嘗試，而劉香萍指女兒青出於藍，幕前工作加上湊小朋友，又教瑜伽，相當勤力。
採訪、攝影：羅慧敏
貝安琪與母親劉香萍、周潤發家姐周聰玲等今天於尖沙嘴出席電影發佈會。
身為導演的劉香萍宣佈電影報名參加角逐奧斯卡「最佳外語片」，下月1日將有結果。
劉香萍亦透露將開拍續集，希望可以拍成一系列的勵志故事。