一年一度《2016香港小姐競選》30位候選佳麗今日喺尖咀出席記者會，首度見傳媒。佳麗以行Catwalk形式出場，喺台上自我介紹，同場仲播出佢哋早前着住白色裙喺沙灘拍攝嘅廣告片，擔任司儀嘅陸浩明笑言30位佳麗人多得令他眼花繚亂！

今屆候選佳麗年齡喺介乎19歲至26歲之間，最年輕佳麗包括身高5呎9吋有來自洛杉磯嘅劉穎鏇（Tiffany），以及喺澳洲修讀心理學嘅龍洛雯；當中有唔少高學歷佳麗，陳睿雯（Cherub）、代蓮曦丹美（Daisy）及龔佩曄（Karen）都係碩士畢業生，身穿黃色tubedress喺倫敦大學畢業嘅24歲張寶兒；於英國華威大學修讀政治學嘅23歲程皓則，22歲嘅龔佩曄就係城巿大學碩士生。30位佳麗將會立即會進行淘汰賽，選出20強繼續比賽。

問到劉穎鏇年輕又身形最高佻會唔會覺得有優勢時，佢謙稱其他佳麗一樣咁靚，自嘲唔覺得有咩特別比人好，而且心情緊張。講到比賽將會淘汰10位佳麗，擔唔擔心首輪便被out時，劉穎鏇說：「有一點點啊！但我對自己嘅泳裝環節有信心。」

陳雅思（Bonnie）透露自己經營網上時裝生意，佢大讚今屆其他佳麗質素也很高，個個也很美和有學識。至於佢有咩過人優勝之處？佢話︰「我為人很正面，希望可以用正面能量感化身邊人，我優勢是喜歡笑，令身邊人開心。」