當年今日
關於我們

【初登大銀幕】湯鎮業孖仔派成績表 父母急畀LIKE

蘋果日報 2018/08/20 12:07

大師兄李靖筠湯君慈湯君耀

湯鎮業一對孖仔湯君慈、湯君耀,噚晚同電影《大師兄》幾位演員李靖筠、謝高俊、劉朝健,一齊到奧海城出席電影謝票活動,大孖湯君慈話daddy湯鎮業日前喺北京睇咗首映,覺得好有驚喜,讚佢哋兩兄弟演得唔錯,演得比想像中好。湯君慈話:「不過我覺得講對白可以唔好講得咁急,要自然啲,之前未拍過戲,呢部係第一部電影,所以都可以接受。」
兩兄弟都話媽咪睇完戲都有讚,而佢哋對拍戲亦好有信心工作新,哥哥話忙住電影宣傳,遲啲先算,講到網上留言讚多過彈,哥哥話媽咪一時細路做得好,一時話哥哥做得好,有信心再拍戲,湯君慈話:「我話想做啲另類嘅角色,啱啱畢業,今次就係做學生角色,好想挑戰自己,拍啲打仗戲做軍人角色,因為自己讀歷史。」細孖都話想同大哥一樣拍戰爭戲,除咗好有型,仲可以表現男子氣慨,亦唔怕辛苦
另外,李靖筠話上年幫ViuTV拍咗個真人騷節目,下個月就播出街,再之前為無綫拍咗套《跳躍生命線》亦都差唔多播,佢話:「無線知我幫ViuTV拍,上年拍時已知我已經完咗約,劇集播出街時如果撞期,我都冇諗咁多,要做嘅事都做晒。」
精選娛聞,喺晒《娛果》
http://fb.com/appledailyent