【演員的自我修養】杜汶澤評特首林鄭幕前演出︰邊講邊笑低級演員
蘋果日報 2020/03/24 15:50
杜汶澤林鄭演員的自我修養
（資料圖片）
演員要講修養，所謂「臨時演員都係演員」，何況身為特首的林鄭，昨日舉行午間記者會宣佈「禁酒」同「苦口婆心」喊住叫人不要外出，到今早再出來見記者時的「演出」，被曾贏過電影評論學會最佳男演員的杜汶澤評定為低級演出水準。
杜汶澤今日在林鄭舉行完行會例行記者會後，在facebook出post，從演員角度評論林鄭的表現，他說：「好多人留意咗好耐條八婆好鍾意邊講邊笑。我嘗試用一個演出者嘅角度去解釋畀大家聽。一般低級演員都好喜歡用呢個演法，以為講講吓笑兩聲就等於斯文、大方同友善。不過佢絕對唔係呢種。通常對於一啲問題，佢選擇用呢個態度回應，其實係表示佢內心覺得你好無知，或者希望你覺得自己無知。」阿澤又舉例話：「呢度個間隔都幾實用喎！交通都幾方便，使唔使八百萬呀？」、「唔得喇（笑），對（笑）面就得（笑），呢（笑）度向（笑）海喎（笑），（笑）起碼（笑）都千（笑）二萬（笑）喇（笑）！咁X好笑？留返你自己住啦八婆？？」
另外，假如林鄭醉心表演事業，不妨仿效周星馳或者羅拔迪尼路，拜讀一下俄國戲劇大師斯坦尼斯拉夫斯基的作品《演員的自我修養》，必定獲益良多。
杜汶澤在facebook出post，從演員角度評論林鄭的表現。（FB圖片）
周星馳在《喜劇之王》系列作品都有用到俄國大師斯坦尼斯拉夫斯基的作品。（網上圖片）
杜汶澤另再出post講到政府應與業主討論減租，讓小商戶得以生存。（FB圖片）