讀者A先生二人行於上周四(12日)到達摩洛哥,原定24日離開,出發時摩洛哥確診數字少於5宗,未料上周五、六即13至14號開始聽聞摩洛哥政府陸續封關,A先生指理解當地政府保護國民心切,但由於資訊只來自網上報道,加上語言不通,又聽聞歐洲各國已開始派包機接走國民,對消息深感不安,15日全面封關,他們亦決定提早回港。
他與友人現時身處摩洛哥馬拉喀什邁納拉國際機場,會合到另外3名滯留港人,成功買到5張往倫敦的機票等候登機,但一日未起飛都未能安心,他指雖然知道英國疫情更嚴重,但認為先離開摩洛哥為上策。
另一名滯留港人「Aisha摩洛哥之天方夜譚」在專頁撰文指,摩洛哥由3月12日起已不停對歐洲封關,到上周六(14日)再突然多封21國包括中東地區,15日封所有國際航班,「真係好變態,即封,係走都走唔到」,版主指英法兩國都立即調配航班包機接走自己人,「香港呢……有邊個會幫?」
她又指數十個在摩洛哥的香港人立即聯絡自救,「日日24小時周圍搵機票」,但航班訊息混亂,訂到票隨時被取消,3月16日摩洛哥更宣佈餐廳六點後關門,版主慨嘆:「唔知向邊度求救。大使館?冇做到咩,話有消息會話畀大家知……變咗孤兒仔咁……」
-----------------------------
【武漢肺炎】專頁 全民自救 抗疫資訊盡在《蘋果》
-----------------------------
無懼警暴 學懂自救
《抗暴之戰●法例須知》
讀果 上架