【同王菲分開4年】又傳戀情曝光 李亞鵬拖實 長髮女豪氣擋酒
李亞鵬長髮女謝霆鋒王菲
李亞鵬同王菲喺2013年宣佈離婚,結束8年婚姻,其後王菲同霆鋒愛火重燃,今日有大陸報道指李亞鵬亦搵到新歡,
近日被影到同一個長髮女喺北京出席友人生日飯聚,起初同幾個朋友坐埋一齊傾偈,之後友人行開,李亞鵬仍坐喺座位,一直冇咩點郁動,原來身邊有一個長髮女陪件,二人傾到手舞足蹈,互動親密,報道又指呢位長髮女俾人嘅感覺同王菲神似,當佢哋行近擺嘢食嘅餐桌時,一個男友人向李亞鵬一直敬酒,女方即貼心幫李亞鵬擋酒,本來友人都唔太滿意繼續要李亞鵬飲,女方靠在李亞鵬膊頭撒嬌,友人最終飲咗啖酒,離開嗰陣,女方自然蹺住李亞鵬,李亞鵬行行吓,就拖實女方,似乎呢段新戀情都幾穩定。
李亞鵬自從回復單身後,重心放喺囡囡李嫣同自己啲生意上,由於佢離婚獨自湊囡囡,令唔少網民對佢產生好感,感情事一直被關注,早年試過被影到同一個女仔喺地下停車場激吻,當時李亞鵬指為咗照顧好女兒,女兒18歲之前不找,未知佢嘅「不找」係唔係指暫時唔打算再婚。
更多娛聞,喺晒《娛果》
http://fb.com/appledailyent