呢次特首選舉，選管會主席胡國興睇怕只需服務阿董一個客。昨日法援局五周年酒會，胡官到賀，港台邵盧善問當阿董的提名到達七百零一個時，是否表示可以宣布自動當選？
原來答案是No!胡官話，唔俾啲選委朝三暮四，提名阿董之後又縮沙，想提名第二個？一切都要等到二月二十八日截止提名，申報完選舉經費，核准晒提名人資料，先可以叫做大功告成。咁又係，雖然明知唔會有人敢玩嘢，做戲都要做全套。
阿董套戲咁悶，胡官話嚟緊的區議會選舉就快劃界，但也並沒有很多事要做，仍屬清閒差事。但一講到村選，雖然與他無關，胡官都大叫怕怕，話好彩唔使佢跟。


E-mail：[email protected]