【新增影片】
好多足球員喺開波前都會有啲關於迷信嘅小動作，例如著襪嘅次序，行出更衣室前硬係要搞下盞燈，又或者好似前法國後衛白蘭斯咁，總係要錫啖隊友巴夫斯個光頭至安樂。德甲多蒙特門將路文貝基原來都係一個幾迷信嘅人嚟，大家又知唔知佢開波前梗會做啲咩呢？

原本呢位瑞士門將總係會喺雙方隊長「擲毫」果陣，喺球證或者球僮度拎走個波，雙手攬一下先放低。有時候對方嘅球員都會由得佢咁做。YouTube就有一段路文貝基成日拎個波嚟掂下嘅片段合輯，或者有睇開德甲直播嘅球迷都會留意到。路文貝基點解要咁做真係得佢至知，不過迷信呢家嘢，其實都無必要打爛沙盤問到篤啫！

睇片傳送門↓↓
http://bit.ly/2xFzll4