韓國神劇《太陽的後裔》嘅女星金智媛即將孖宋仲基合作新劇《阿斯達編年史》，早前佢哋已進行研討會，而金智媛同宋仲基再度合作，大家默契十足，噚日宋仲基喺韓國舉行粉絲見面會，金智媛都有拍片撐宋仲基，足證兩人感情好好。

而金智媛噚日冇親身到場撐宋仲基，原來係因為佢唔係首爾，噚日佢喺上海出席代言活動，唔少粉絲都有到場捧場，而金智媛亦都好識冧粉絲，不時喺現場派心心，好鬼親民。而金智媛受訪時被問到最鍾意邊個角色時，金智媛就話每個角色都好鍾意，因為每部作品佢都有付出努力，每一個角色都好有魅力，不過佢就直認平日自己唔使開工時就係一名宅女，最鍾意留喺屋企睇電視劇電影來打發時間，同時佢亦希望將來有機會拍大陸戲。

更多韓流，喺晒《娛果》
http://fb.com/appledailyent