【本報訊】荷李活著名笑匠羅賓威廉斯(Robin Williams)疑因抑鬱症自殺身亡,外界揣測可能因演員壓力過大令他步上不歸路。同樣身為笑匠的詹瑞文昨日接受電話訪問,坦言很欣賞羅賓威廉斯,聽到其死訊感惋惜。喜劇演員是否有不為人知壓力?他說:「唔只係喜劇笑匠,每個人都面對緊。」詹瑞文指本身未試過因演戲而患過抑鬱,因笑匠識得在生活中自我減壓。
同以演喜劇為主的杜汶澤直認喜劇演員不易為:「作為喜劇演員,一直認為自己嘅悲劇,就係大家嘅喜劇。如果以尊嚴作為人生嘅大前提,咁肯定係可悲。但如果能成日提醒自己,呢份係養活自己嘅工作,咁日子就會好過。」