當年今日
關於我們

富二代兄弟要搞掂皇太后

蘋果日報 2014/05/03 06:00

蕭劍新蕭劍平富二代兄弟要搞掂皇太后

喺香港養馬數目最多的家庭,蕭百君一家絕對首屈一指,近幾年一直維持現役馬13匹左右,每月養馬費近百萬港元。雖然佢哋不惜工本,可惜今季冇乜贏大賽,不過周日皇太后盃蕭氏兄弟出成四隻馬,有力捧盃補數,包括蕭劍平的「格哥兒」同「雲呢拿」、細佬蕭劍新的「醉必勝」同埋兩兄弟之團體馬「智多飛」。
論牌面,當以「格哥兒」可秤先,上仗摘下1800米三級賽精英碟,這匹六歲馬曾在歐洲高班賽有佳績,攻下英國分級賽外,亦在一級賽法國打吡跑獲亞軍。來港後最近四仗取得兩捷,均在田泰安胯下取得。田泰安表示:「我不認為2400米途程會對牠構成有任何問題,令人關注的反而是負磅方面,因為現時牠須比其他賽駒負更重的磅位。」「格哥兒」唯一在2400米上陣是2011年角逐巴黎大賽,以第五名過終點。
田泰安續說:「無疑牠的檔位(第十檔)欠理想,但牠可置於前列位置競跑,我可以視乎步速快慢而隨機應變。今季兩次贏馬時,我都是讓牠順其自然,而不會過分催策牠。如果其他對手走得快,我會讓牠單獨順其步速競跑,如果步速較慢,我會讓牠較為緊貼領放馬匹。自上仗贏馬後,每當我在晨操策騎牠時,牠看來都有進步,有能力爭取佳績,而今季牠更能穩定走勢,跑來更為集中,狀態勇銳。」