李易達今季已經贏了六W，頭馬仲多過Gibson高伯新，要贏夠15場達標，唔係冇可能；而「享耆成」更可以話係佢代表作，呢隻八歲馬上場響谷草1200米贏出在港第8W，今期又跑番呢項首本路程，都唔敢睇小佢。
上個星期四李易達仲安排呢隻馬由楊明綸彈草閘，達哥仲帶埋阿綸個女友莎拉於欄邊睇馬，不知幾咁緊張。達哥嘅馬彈閘多數有計，剛剛贏馬隻「金叻星」，就係最新鮮熱辣例子。
「享耆成」馬主保良局成員鄭錦鐘博士，早前響鯉魚門筵開六席，答謝達哥同馬房員工，除了鄭錦鐘與女兒鄭泳妮、達哥夫婦、楊明綸及女友莎拉外，唔少馬主都畀面出席，好似「美麗」系嘅郭少明、「包裝」系嘅李文斌等。鄭泳妮當晚仲預備了一隻Ｑ版「享耆成」氣球，預演拉頭馬，希望愛駒力爭在港第9W，話唔定今仗就夢想成真。