袁彩雲與女兒、唐麗球、周麗明、李詩慧和李秀媚今日在銅鑼灣出席攝影聯展開幕，彩雲透露今次由加拿大返港，除了探朋友外，還要處理香港稅務：「因為我有物業收租，所以稅局追我份報稅表，原來唔喺香港住，反而要畀高啲稅。」有否想過搬回香港居住？她說：「因為老公喺嗰邊有飲食生意，有5間餐廳。」老公的強項是烹飪？她笑說：「佢好幸福，因為佢有我，我以為佢做飲食會好識得煮嘢食，但反而佢識試味，佢嘴刁，所以訓練到我嘅廚藝好咗。」彩雲透露現時最耍家是煮潮州菜，老公和奶奶都吃得很滋味，全部吃清光：「老公係潮州人，而奶奶年紀大，佢有心無力，所以我叫佢教我，我覺得味道冇百分百，都有九十，好有成功感。」彩雲表示稍後會與家人到馬爾代夫旅行，笑言準備了很多泳衣。

唐麗球透露兩年前曾到貴州探訪，為水源開發慈善籌款，當時更有拍照參加這個攝影聯展：「地方好偏遠，所以一日坐7、8個鐘車，不過好有意義，因為冇水，當地人一年只可以沖兩次涼，行埋去訪問，都聞到味。我哋幫佢哋開井，佢哋好開心。」她表示慧妍雅集正忙於籌備5月的大型慈善籌款活動。

《蘋果動新聞》訂閱新世代，4月開始免費訂閱，現在接受登記！
http://bit.ly/2Ja3IXw

全港打工仔特約：Lun廚動腦Q
加開1:30pm
3月11至22日
星期一至五1:30pm 10:30pm
http://bit.ly/2IZA8Ef