梁家俊於剛周三（8日）泥地夜賽策「電玩皇者」（已退役）墮馬輕微腦震盪，為身體健康着想，今日（11日）缺陣一天，原本由佢策騎之實力分子如「妙算達人」、「鑽得勁」，今日都需要換人，同時間接令到一對騎練復合。

第八場三班草地1200米，大摩隻「會長之星」上仗谷草1200米喺史卓豐胯下首度入Q，呢匹三歲愛爾蘭馬走勢有明顯進步，但由於豐豐今場一早卜定騎蘇偉賢嘅「團結精神」，「會長之星」原屬意由家俊壓陣，但最後要改配其他騎師。

雖然今日跑港澳盃，有多位澳門騎師來港客串，但大摩希望「會長之星」起用熟識沙田跑道嘅大師傅，最終喺周四排位朝落實由利敬國執韁，係雙方半年以嚟首次合作。

大摩同利敬國合作過4次，憑「健康美麗」跑過一次季軍，對上一次合作係去年10月18日谷草1650米「標準猴王」，當晚利敬國忽以快步速狂放，結果直路力弱只得第9名，賽後被競賽小組譴責，指佢缺乏判斷力，大摩更直言對利敬國錯判陣上步速形勢，感到非常失望，自此就將利敬國放入「雪櫃」。

估唔到「會長之星」需要匆忙覓騎師，促成呢對騎練「破冰」，利敬國已喺香港跑咗大半季，大摩坦言希望他陣上發揮有所進步。而利敬國如果今場交到貨，隨時意外地泊到個大碼頭，季尾有多個大倉口支持。

---------------------------
【六四30】守住歷史 拒絕遺忘
https://hk.adai.ly/zdzKtt2RiW
---------------------------
星期一至五晚上10點半
《動腦Q》Let's Q the money！
http://bit.ly/2QW8LcI