母親節下周日來臨，三位名太靚媽張新悅、范姜與寇鴻萍日前以大使身份，帶同她們的寶貝女一同為攝影公司Venture Studios拍攝名為「Mommy And Me」攝影展。張新悅難得跟三女Lucy、Lily與Leah一同拍攝，一副有女萬事足的模樣；而范姜則帶同鍾懿及鍾幗拍攝，兩女攬着母親，依傍在范姜身上；寇鴻萍與唐貝詩、唐貝欣的母女合照，則洋溢着甜蜜溫情。

「做媽咪冇得靚」

已為三女之母的張新悅，形容大女Lucy和二女Lily相當活潑，她昨在電話中說：「影呢輯相好開心，因為冇乜影全家福。今次影相唯一嘅難度就係要照顧佢哋三個，所以我啲衫又皺、妝都亂七八糟，其實做媽咪冇辦法整到自己好靚，我大嗰兩個女好活潑，BB就咬緊牙，成日啜啜啜個口。」張新悅笑言最怕母親節跟人逼，寧願留在家中溫馨度過，她說：「我記得最開心嘅母親節，係我先生楊哲安煮餸都有一手，最開心就係我可以瞓耐啲，佢就煮一個好好味嘅早餐畀我食，𠵱家我大女、二女都識整早餐，如果佢哋能夠整一個好美味嘅早餐畀我哋，咁呢個就係我覺得最開心嘅母親節。」

寇鴻萍細味心意卡

至於寇鴻萍與兩女母女情深，她表示女兒自細已經愛DIY禮物給她作母親節禮物，尤其是她們寫的心意卡，她說：「佢哋會寫內心嘅感受，我都會不時拎番出嚟睇，感覺好開心、窩心。」此外，唐貝詩昨在尖沙嘴出席慈善活動時，提到早前媽媽曾表示恨做婆婆，唐貝詩指看到報道後相當驚訝：「我𠵱家冇拍拖，有拖拍都一定唔會結婚住。」
採訪：羅慧敏