杜德偉、林二汶及陳柏宇，今日一齊去到銅鑼灣出席「暗中作樂2017聲演會」發佈會，盧凱彤（Ellen）日前喺台灣金曲獎宣佈出櫃兼已婚（新聞連結： http://bit.ly/2sCcOSH ），其at17隊友二汶表示早已得悉Ellen已婚，二汶話：「知佢結婚，我冇出席佢加拿大婚禮，好小型唔係大排筵席，只有佢屋企人。」二汶指大家好熟，不拘小節，所以冇送禮物，只送上祝福，二汶話：「佢太太陪佢經歷好多，好犀利、好有能耐，佢哋係分開過，但覓得真愛，相處好sweet，我識佢太太好多年。」

此外，現年55歲嘅舞王杜德偉去年一索得男，o依家兒子Alex Junior已經8個月大，Alex話正努力再追多個，Alex話：「o依家好努力狂追，仔女都冇所謂，最好一嚟就兩個，可以收工。」