即將升讀小一的阿妮,三年前偕母由內地來港與父親團聚,其父母近年感情有變,兩人已於去年底正式離婚,阿妮從此跟隨母親展開單親生活。
「我喺香港冇人冇物,一個女人帶住個女,有時都覺得自己幾淒涼。」阿妮母親劉女士歎道。
劉女士母女現靠綜援金生活,她一面難過地說:「未離婚之前,阿妮爸爸成日無工開,屋企環境都好差,所以我哋咁多年都冇電視機,𠵱家攞綜援,更加冇得諗,我兩母女唔食飯都買唔起一部電視啦!」
阿妮每天下午放學後,惟有到鄰舍家中觀看卡通片,小女孩看得十分高興,劉女士卻感到萬分痛心。
「一來我覺得打搞隔籬鄰舍唔好意思,二來我覺得好痛心,咁小嘅事情都滿足唔到個女,要佢生活得咁可憐。」三十五歲的劉女士淚眼汪汪說。