【本報訊】政府上月公佈電力市場未來發展公眾諮詢，當中研究指兩電准許回報可由現時9.99%削到6至8%。港燈主席霍建寧昨出席周年股東大會時指，現行機制已為投資者及股東取得平衡，「係咪要為改變而改變，係咪要鍊到盡？」他呼籲港燈及持有港燈49.9%股權的電能小股東就諮詢提交意見，一人一表向政府說不。

指諮詢搞笑

霍建寧在電能股東會上直言，「都搞笑㗎啦，呢個諮詢。問你減唔減電費，實話減㗎，使乜諮詢？等於我問同事人工夠唔夠，梗話唔夠㗎」。他更搬出幾塊資料板，指板上數據顯示港燈供電質素位列全球第一，電價較倫敦、新加坡等國際城市便宜。他謂「澳門都有停電啦，香港市民返到屋企就有服務係take it for granted（理所當然）」。他落力向在場股東呼籲「咁政府壓落嚟都有個程序，要諮詢。所以大家唔好食完個午餐就走，填下表（諮詢意見書）先，寫『不要改變』就得」，又補充「今次政府都好厲害，上次輸晒嘛，如果個個寫一樣就當係一份，希望大家都寫下自己意見」，又稱「我都填咗張表，我就『No change、不變』」。
股東會後的午餐會上，公司職員向小股東派諮詢回應表，一人一表向政府施壓。會後有媒體問若電力市場引入競爭對公司影響，霍建寧反問「係咪要鍊到盡？」港燈將於6月底向政府提交意見。
■記者郭曉琳