去年6.9，有100萬人逼爆港島反送中，惟林鄭月娥漠視她口中「少部份」人的聲音，遊行未完結，已宣佈如期在去年6.12進行二讀，結果，激起香港人不滿，成為6.12抗暴之戰的爆發點。

今日6.12一周年，晚上再次遍地開花，其中逾百香港人再聚集於銅鑼灣，亮着手機燈高呼「五大訴求 缺一不可」、「沒有暴徒 只有暴政」、「解散警隊 刻不容緩」等口號。過去多次表態的阮民安（Tommy），今晚亦現身銅鑼灣，對於抗暴之戰已持續一年，他說：「整整一周年，我哋由炎夏到寒冬再到炎夏，好多人都覺得6.12正式開始咗呢個運動，呢一年我哋冇得到過任何嘢、冇贏過，所以今日唔係紀念，係一個回顧。我哋失去咗好多手足、戰友，但係都要繼續出嚟，睇下街站、展覽，希望睇街站冇犯法。」

對於王宗堯被加控暴動罪，可會擔心他的自身安全？Tommy強調「我一定唔會驚」，認為被捕手足很堅強：「見到Greg（王宗堯）、劉頴
匡佢哋，大家會擔心，反而佢哋好硬淨，佢哋唔怕，最怕大家放棄。如果我哋驚，佢哋嘅犧牲就白費。」

提到一年過後，香港人的自由被收窄，更甚是國安法即將降臨，Tommy說：「聽講，以言入罪嘅機會會多咗，又會check吓啲社交平台講過乜，佢哋係無所不用其極。」有教師因讓學生演奏《願榮光歸香港》而飯碗不保，他認為打壓、清算已經一步步展開，由教育界伸延，之後可能會是社褔界甚至是每位市民：「香港再落去，一國一制已經預計到。」Tommy坦言不知道將來可以怎樣，但不是看到希望才堅持：「我唔係失敗主義者，要相信同堅持行出嚟。」

Tommy提到大仔將入讀K1，原定入讀政府學校的他，現時決定報讀私校：「因為有朋友同我講，嗰間學校要聽國歌、要敬禮，我唔想有日個仔返嚟話『共產黨萬歲』。即係佢可以鍾意共產黨，如果佢睇晒所有嘢之後。」

訪問期間，防暴突然於Tommy身旁跑過並拘捕一名途人，他說：「大家睇到呢啲畫面係每日發生緊，見到嘅時候唔使驚。每個肯行出嚟嘅香港人，我好佩服佢哋，大家見到風險就係咁，行行吓街會被人撳落地，唔使驚，我會陪住大家。」

-----------------------------
打國際線 《蘋果》英文版免費試睇 按此了解更多
英文版已登錄新版《蘋果》App按此下載/更新