《福布斯》又公佈排名榜，今次唔關超級富豪事，而係「亞洲200間最佳中小企榜」，但大家咪睇少中小企，好多香港上市公司都入榜㗎！
呢個排名榜以市值低過10億美金做規定，計算出亞洲「最佳」嘅200間中小型企業。如果睇開「世界500強」，10間上榜公司當中，通常都只得一、兩間係中港公司，但呢個中小企榜，200間入面竟然有成72間係中國或香港，台灣都有23間，反而日本同香港死敵新加坡同樣只得4間，唔怪得仲有咁多人睇好大中華區。

不過睇真啲，《福布斯》只係計企業嘅市值同營業額，冇考慮到公司嘅企業管治同質素，難怪民企霸晒，好似之前被質疑種橙樹造假嘅亞洲果業（073）、存貨多到成座山咁高嘅體育股361度（1361）同特步（1368）都榜上有名。香港代表就有莎莎（178）同卓悅（653），都係強國人好鐘意幫襯嘅品牌。