PokémonGO手機遊戲大熱，呢款結合AR實景遊戲必定會用大量手機上網Data，雖然香港版仲未推出，但香港電訊（6823）旗下CSLMobile今日宣佈，將向旗下CSL及1010客戶，提供免費無限數據玩PokémonGO！

CSL職員向本報記者透露，只要你是CSL或1010客戶，同時是使用有流動數據服務月費，就可以享用無限數據玩PokémonGO：「無論你用500MB定1GB或者是4GBPlan，玩PokémonGO時都唔會扣你服務計劃中的數據，而且亦不會限速。」至於本身無使用流動上網服務的客戶能否享用這個免費計劃，就要等PokémonGO香港版推出後才有決定。

CSL又指，呢項優勢同時會提供俾11歲至17歲人仕而設的CSL「學生SIMPlan」，等各位精靈訓練員唔使擔心數據流量，可以日日鍛練去取勝！

不過講咗咁多，就算有得免費無限數據去玩，首先PokémonGO推出香港版先得，究竟任天堂幾時出香港版呀？

掌握財經生活資訊，即Like「蘋果ATM」fb專頁啦！
http://fb.com/appledailyatm