濠江經濟樓市齊起飛，全靠賭業，新賭場、新酒店陸續興建，其中一幢由銀河娛樂集團發展，號稱全澳門最高，達三十四層嘅星際酒店，其中三十三層主體結構已經完成，銀河宣布，星際酒店可以如期喺明年中落成啟用。
酒店總面積達一百二十萬方呎，提供五百零七間房，賭場佔地超過十七萬方呎，有二百四十張賭枱，同埋三百台老虎機，總投資額二十五億，認真唔講得笑。