人氣韓劇《鬼怪》嘅李棟旭同劉仁娜再度合作，兩人主演嘅tvN新劇《觸及真心》將接檔《男朋友》於下月6號播出。

《觸及真心》今日再度公開海報，當中喺劇中飾演過氣大明星嘅劉仁娜就以性感女神look示人，海報上展示出劉仁娜去咗李棟旭間律師樓後，瞬間令律師樓變成頒獎典禮嘅現場，不過李棟旭就似乎唔多受劉仁娜嘅誘惑，仲擺出一副好冷漠嘅樣，似乎好唔滿意劉仁娜咁。

另外，29歲嘅李鍾碩孖39歲女星李娜英合作嘅tvN新劇《浪漫是別冊附錄》，亦會於今個月26號首播，劇組今日再次公開花絮照谷劇，照片中可見李鍾碩同李娜英都好投份讀劇本，每拍完一場戲，二人亦會睇返自己嘅表現，十分認真。

精選韓流，喺晒《娛果》
http://fb.com/appledailyent