【聖誕禮物】LEGO限量禮物盒有心思 買夠千二先有
蘋果日報 2018/12/13 00:03
限量玩具Lego
今年聖誕有4款LEGO限量套裝，其中的聖誕禮物盒設計相當有趣，不過就要在LEGO Certified Store買滿$1,200或以上，仲要買最少兩盒套裝先有，而且是換完即止。
好識做生意的LEGO，每年聖誕和新年都會有限定套裝送俾大家，不過話係送，但其實大多是要在指定商店買滿一定金額先有得送，反而增加了LEGO迷想儲這些限量版的難度。奈何這些限量套裝往往都相當特別和精美，又好似唔儲唔得，好似今年聖誕就有4款限量套裝，已經換完的冬日旋轉裝飾和假日小火車相對比較普通，但正在換領的聖誕禮物盒和小鹿吊飾就相當有趣。前者外形只是個普通禮物盒，但原來暗藏機關，可以打開變成聖誕小屋，有火爐、有聖誕樹、有梳化，當然還有大人細路，場面相當溫暖。另一個小鹿吊飾雖然簡單，但卻神似，係唔知頭頂個「2018」想點。兩款限定版套裝都是整個12月都能換領，禮物盒要在LEGO Certified Store買滿$1,200或以上，仲要買最少兩盒套裝先有，小鹿就要喺玩具”反”斗城買夠$600或以上，要換晒都要買幾多嘢先得。
記者：韓繼聰
外形只是個普通禮物盒，但原來暗藏機關，可以打開變成聖誕小屋，有火爐、有聖誕樹、有梳化，當然還有大人細路，場面相當溫暖。
小鹿吊飾雖然簡單，但卻神似，係唔知頭頂個「2018」想點。
除了買嘢換限量版，其實今個聖誕LEGO亦會在網上抽獎，中獎的25個小朋友可以在10款精選最強十大套裝中選一款，這就是其中一款的石林警察總部。