韓國女神全智賢夥拍「長腿Oppa」李敏鎬主演嘅SBS新劇《藍海傳說》將於今晚播出第18集，今日劇組就公開新劇照，只見失去父親嘅李敏鎬喺醫院痛哭，全智賢見到李敏鎬咁傷心亦十分心痛，攬住李敏鎬安慰對方。

而全智賢拍攝《藍海》期間，亦抽空為雜誌拍攝新相，女神盤住高髮髻，相當高貴優雅，而女神身穿白色連身裙，大晒修長身型，點睇都唔似已經做咗媽咪，令粉絲相當羨慕。