【人藍腦便殘？】李力持叫逆權急救員醫肺炎 網民︰佢真係唔識㗎喎
蘋果日報 2020/02/05 21:00
醫護李力持罷工
（IG圖片/FB圖片）- 有網民用了高登的貼圖回應李力持。（網上圖片）
- 李力持的FB網頁過百留言都是一面倒聲討。（FB圖片）
- 左起楊官華、屈穎妍同李力持結合成親共力量。（FB圖片）
醫護人員為爭取全面封關，遏制疫情在港擴散而罷工，獲廣大市民支持，就連本身有癌病在身的病友，亦表示認同醫員決定。不過人一藍腦便殘，導演李力持近年全力在大陸發展，不時有偉論發表。昨晚他在facebook開帖，呼籲早前在逆權運動的急救員，應該站出來幫手，解決醫護短缺問題「過去半年通街都係義工First Aid，而家真係有病人需要佢哋又去曬（晒）邊呢？」
李導演的留言一出，即刻引來過百網民留言取笑「無知先係最恐怖」、「原來真係有人唔知咩叫急救員」、「唔怪之得星爺都唔要你，明智」、「大開眼界 急救牌原來會教醫傳染病??」、「咁喺醫院開班教感染病人急救自救啦」、「教埋喺醫院門口嘈生晒個班廢老入去幫手 解決埋醫護人手短缺問題」、「一於醫院同診所拆晒佢起差館啦」 、「俾警察拉晒lu」、「腦好重要，我希望你唔好坐住佢」、「急救識醫肺炎」、「過去半年大把奶共狗爭崩頭，而家偉大祖國需要佢哋又去晒邊？」、「喂你仲唔傾家蕩產上去支持班病X，唔係得把口愛國啊嘛？李力持」、「李生 你真係唔識」。
-----------------------------