紐卡素周一作客雖然贏般尼2:1，不過球迷重點就放咗落中場馬特列治身上，因為佢喺50分鐘時有個黃金機會，但佢門前兩碼射空門都射咗去網側，好彩「喜鵲」最終都贏到波。唔少網民都話，馬特列治呢球係佢哋見過最差嘅失機之一，亦有人話過份到差啲認錯佢係盧卡古喎。馬特列治賽後接受訪問時就話︰「老實講我以為入咗，起腳嗰吓已經諗住慶祝。」