豐田MR-S雙座位Roadster小跑車自推出以來,一直有唔少Fans略嫌新車一台1.8公升直4VVT-i引擎(馬力140匹)輸出有限;雖然對比起970kg嘅車重,經已有唔錯嘅發揮,但對廠方僅有一台引擎配搭,仍然有美中不足之感嘛!
有見及此,喺早前嘅東京改裝車展中,廠方推出有MR-S加辣版嘅V6新Roadster;此車除咗賣相勁度十足,有一定瞄頭之餘,後座背嘅引擎室,重裝有一台從同廠Harrier(即港版凌志RX300),所移植過來嘅3.0公升V6引擎,馬力輸出更高達220匹。若然有唔錯口碑同迴響而投產的話,相信呢部全新嘅豐田MR-SV6小跑車,定會直逼寶馬Z3嘅地位㖭!