【強調感幸福】林愷鈴早知父母分居 不覺母龔慈恩是控制狂
龔慈恩林愷鈴林煒
龔慈恩今日被爆早已跟台灣藝人老公林煒分居兩年,男方更被拍到與新歡、女總裁劉灼梅在街頭又攬又錫。林煒其後坦承分居事實,並指已分開2年,而龔慈恩今日透過短訊回覆:「謝謝關心!」
龔慈恩與林煒的女兒林愷鈴今天在灣仔出席活動時,被問到父母分開一事,她說:「分開咗已經一段時間,對我嚟講,佢哋係好好嘅家長,好take care我。(父母係咪已經分居兩年?)多謝大家關心,呢啲留番畀爹哋媽咪講啦。作為女兒,佢哋係好盡心盡力盡責任去照顧我嘅,所以我係好幸福。」
問林愷鈴有無見過爸爸的女朋友,她說:「多謝大家關心,呢個留番畀佢講啦。(如果將來父母各自有另一半,會唔會接受?)會祝福佢哋,我都希望佢哋開心。(會唔會鼓勵媽咪搵另一半?)都會祝福,其實我好開放,呢個年代,大家都想開心,我有好錫我嘅父母,好幸福。」
被問到當初知道父母分居的消息時的感覺,林愷鈴說:「已經知道一段時間㗎喇,唔係突然,大家都好理性,而家都仲係朋友,所以我都唔會受到打擊,成件事都好順其自然嘅。」父母婚姻是否之前已經出現問題?林愷鈴表示:「我唔覺得係。」
當傳媒追問林愷鈴是否覺得媽媽龔慈恩是個控制狂時,林愷鈴公司的工作人員企圖拉開她避答,但林愷鈴表示:「我唔覺得係。」她又指自己一直都是跟媽媽在香港住,提到有無與父親聯絡時,她坦承:「有。」
另外,同場的黃翠如剛在澳洲工作完回港,提到早前有報道蕭正楠,因太想念老婆而消瘦,黃翠如說:「其實佢瘦咗好多,但就唔關我事,因為喺套劇裏面佢要扮一個貪靚嘅男仔,所以佢就減咗20磅。」
提到蕭正楠消瘦那麼多會否覺得心痛?翠如就話:「我覺得瘦得滯,而家佢夜晚唔食嘢同埋做好多運動,我都好佩服佢嘅毅力,聽晚佢同曹永廉有個show,佢哋兩個而家綵排緊,所以我就送咗啲鹹竹蜂畀佢哋保護把聲。」問到會否擔任嘉賓?翠如說:「唔會喎,佢淨係叫我喺後台打點,從來都冇邀請我上台,可能曹永廉唔畀。」
-----------------------------
【撐學生】
召集有心人 撐學生全年睇《蘋果》
立即按此 林愷鈴今天出席公開活動,大方談父母分居,並指早已知情。
林愷鈴全程保持笑容,並稱自己感到幸福,父母的分開不算受太大打擊。