張繼聰同白只係好兄弟，佢哋喺演藝學院畢業後都有多次合作機會，但講電影就係首次，於電影《今晚打喪屍》中，兩人飾演嘅都係好兄弟，共同擁有信念想拯救地球，點知真係遇上喪屍襲港，佢哋將生活中日常用品如雞蛋仔夾餅機、上海理髮店焗頭罩等，再加插自我創意製成打喪屍武器。

戲中阿聰不繼追求顏卓靈，問阿聰跟顏卓靈會否有親熱戲？阿聰說：「本身可能有，唔知白只有無講過啲乜，所以就無，不過最好就無。」拍攝期間跟顏卓靈的戀情公開了，白只不覺得對拍攝時起了任何變化，全因戲中各個單位本身感情有如家人一樣。阿聰指兩人從演藝學院開始，每次合作都有如災難一樣，讀書時就做辛苦角色，之後演舞台劇就要親力親為搬器材兼蝕錢，今次就演真正災難片。

兩人嘅默契像係與生俱來，阿聰指兩人所講嘅笑話，永遠只有對方明白同識得去笑，所以演藝同學們早已叫兩人應該去結婚，而呢份默契喺戲中亦好好被導演利用，白只話：「導演成日問如果係我哋嘅話會點樣講呢句對白，佢都想將真實感覺放入角色。」拍攝過程中兩人從沒爭拗，反而不時互相提點將件事做到最好。