仲有兩個幾月又到一年一度嘅電影賀歲檔喇，今年呢個賀歲檔真係好熱鬧呀，除咗有周星馳執導，鄧超、林允主演嘅國產片《美人魚》，仲有90年代惡鬥樂壇嘅四大天王助陣，今次仲係佢哋首次喺賀歲檔碰頭。

四大天王黎明、劉德華、張學友同郭富城，對上一次同台演出已經係八年前回歸十週年慶典，明年撮合四位同時出現嘅賀歲片，就包括王晶執導、兩大天王劉德華、張學友加上發哥助陣，走喜劇路綫嘅《賭城風雲3》，鄭保瑞執導、郭富城夥拍鞏俐，以3D喜劇作主打的《西遊記之三打白骨精》，以及黎明首次執導兼主演，加上張涵予、杜鵑等演員，以紅酒買賣場引發家族爭鬥嘅《Z計劃》。

至於，同樣會喺香港賀歲檔期上畫嘅外語及動畫片，仲有Marvel出品嘅《死侍：不死現身》(Deadpool)、《恐龍大時代》(TheGoodDinosaur)同《花鼠明星俱樂部：開心大唱遊》(AlvinandtheChipmunks:RoadChip)。