【D1男籃】隊長畢業留憾 馮俊瑋寄望喇沙師弟圓夢
蘋果日報 2019/12/11 22:57
男拔喇沙D1馮俊瑋
馮俊瑋(右)不僅是喇沙籃球隊隊長，這位中六生更是校內排球隊和田徑隊要員。
提起喇沙書院籃球隊，外界大多即時想起在2011年贏得九龍區學界和精英賽勇奪雙冠王的「黃金一代」。可惜近年競爭越見激烈，喇沙自2014/15球季後，不曾亮相精英賽，甚至在九龍區D1 A grade已未能打入四強。喇沙今日以兩分之差憾負男拔萃，再次無緣四強，即將畢業的隊長馮俊瑋泣不成聲，他在賽後表示：「我想重振喇沙籃球隊聲威，可惜爭少少先做到。」
馮俊瑋不僅是喇沙籃球隊隊長，這位中六生更是校內排球隊和田徑隊要員，他早前在亞少田徑賽更於男子400米欄奪銀而回。馮俊瑋直言，雖然喇沙籃球隊成績未如其他校隊耀眼，但對自己依然不可或缺：「籃球隊對我好重要，我好想令佢進步。我入咗喇沙之後，其他校隊都喺前列位置，但籃球隊成績唔係太理想，大家有個目標要去爭取。我想重振喇沙籃球隊聲威，可惜爭少少先做到。」
除了希望如易漢暉和陳志威等師兄領軍登頂，馮俊瑋亦希望像他們一樣以兄弟班打出名堂：「我哋12個由C grade一齊打上嚟，我哋以前係俾呢啲強隊炒，但我哋依家拉近咗同強隊嘅距離。」早前在分組賽以39:45不敵英華，今場再以45:47負男拔萃，跟四強席位擦身而過。馮俊瑋賽後不甘流下淚水並坦承遺憾，但他期望師弟繼續努力，為自己圓夢：「可能我哋身型技術冇對方咁好，但係如果連心態都輸，就真係冇得打。希望師弟可以傳承呢團火，之後幫我哋贏返。」
記者、攝影：許嘉明
即將畢業的馮俊瑋在球隊無緣四強後泣不成聲。