試閘名次並非首要，重點是馬匹於試閘上有甚麼得著。剛戰命中的「明多多」絕對為好例子；今期賽事，筆者重心「大勇士」會係另一個例子。「大勇士」陣上韁口一向不穩，有見及此，最近試閘時佩眼罩下，刻意跟前走三疊作測試，竟然沒有搶口難留情況出現，足證眼罩幫到手。今場「愛寶」、「有料小子」排外檔焗搶，預計已試準前速的「大勇士」可守內疊三、四位，形勢相對安全，坐位望贏無問題！而「愛寶」上場賺盡形勢下看似贏得易，但總時間普通，今場排外檔兼快馬多，未必蝕得起。
冷門提供為第三場「快趣的」及第六場「聰明波」。「快趣的」在港同父馬成功率極高，結合其型格及跑姿，日後應是一匹高班短途馬，而今場對手實力大多見盡，有權憑質監生吞。「聰明波」已連續四次遇上超快步速又或全程三疊，今次又排11檔，但快放馬少，幾可肯定無馬鬥燒，有望一放絕塵！