四太梁安琪壓軸同賭王賀95歲生日，今日佢同超盈係澳門，佢就忙開立法會，超盈忙搞拍賣會，夜晚就趕直升機，趕去養和醫院，同埋兩個囝囝猷亨同猷君一齊切蛋糕，慣常四太傳統送上「肉嘴」，賭王笑得開心，十分精靈。

四太接受《蘋果》訪問，表示忙足一日，趕返嚟陪賭王，一家人切蛋糕，不過因為太夜，原本計劃同賭王打牌賭兩手就取消。之前，四太喺澳門揀咗張籌碼畫畀賭王做生日禮物，賭王就好識做回禮金牛大利是，皆大歡喜，四太笑言：「少少禮物，多多回禮，除咗個幅畫，仲有朋友喺超盈搞咗拍賣買咗幾幅畫畀何博士做生日禮物，好有心。」

提到佢個幅「籌碼」畫，四太話由於幅畫太高，畀了賭王睇住相先：「佢一見到籌碼疊到咁高好開心，笑住話要一路贏。」