林峯和同34D大陸女模張馨月進展神速，拍拖幾個月已不時喺公眾場所拍拖，戀情逐步浮面，早前林峯仲參加張馨月胞弟婚禮，更有份參加接新娘環節，期間被拍影低兼放上網（新聞連結： https://bit.ly/2DFyNQm ），之後林峯未有公開露面，至噚晚佢由大陸趕返將軍澳出席一個晚宴，不過就事先張揚唔接受訪問，只禮貌地應邀拍照，心情輕鬆笑晒口。

至於同場嘅楊怡，同林峯係同期訓練班同學兼好友，早前林峯更與獲一班舊同學聚會為楊怡慶生（新聞連結： https://bit.ly/2QhEcP4 ），記者乘機向楊怡探聽林峯拍拖消息，最初楊怡再三只係話見過張馨月張相，當日聚會亦冇人攜眷出席。

楊怡反問傳媒點解會追問她此事，被多番追問下，楊怡才吞吐地道出：「有見過真人，死啦！我唔識講大話，佢好nice。」傳媒告知楊怡林峯參加女友胞弟婚禮，楊怡話係好事，不過就話：「見過對方唔係好多次，印象好nice，同大家都幾投契。」係咪戥林峯開心？楊怡話：「開心，每次見佢都問『幾時到你？快啲啦！』」有冇叫林峯計劃結婚？楊怡話：「唔使聽我哋講，佢自己計劃，結婚係好事。」

楊怡老公羅仲謙近月會留港工作，兩人可以有時更多時相對時間，自然地問到有冇好消息？楊怡即笑：「唔好成日問呢啲啦，我走呀。」否認有壓力，只係次次俾大家問到驚。近日有份主演劇集《再創世紀》收視未如理想，楊怡話冇失望，並指收視自己控制唔到，只知道口碑唔錯。

精選娛聞，喺晒《娛果》
http://fb.com/appledailyent