名模Rosemary昨日為內衣品牌黛安芬出任模特兒,示範全港首創、具美容功效的「蘆薈美肌胸圍」。問Rosemary對這款新胸圍有何看法,她說:「我以為蘆薈只可以用嚟食同做lotions,好似蘆薈汁、蜜糖蘆薈咁,我唔知原來可以加入布料度,keep到皮膚又滑又幼細,好奇妙!」
cup位緊會變形
Rosemary更分享選Bra心得,她說:「胸部嘅皮膚好柔軟,要好小心保養,bra嘅布料唔好,好易刺激皮膚,引起敏感乾燥。所以買bra一定要自己試,要戴得舒服,最好係布料軟身,有承托力同有彈性,重有cup位唔可以太緊,否則胸部會變形,脂肪重會走位,搞到背部好厚。」Rosemary揚言為求全面保護,連睡覺都會佩戴胸圍。