熱刺周五發表官方公佈，正式同美國體育品牌Nike合作，新一季起將以佢哋品牌嘅波衫出戰英超及歐聯等比賽，雙方冇公開合約年期，英國傳媒就估計，熱刺每年可收取3千萬鎊（約3億港元）贊助。

新一季唔單止英超亞軍熱刺，連英超冠軍車路士都轉會Nike，佢哋仲未公佈新一季波衫，不過唔少網站就流出新波衫款式。