【「友情價」重返TVB】想再攞「最受歡迎男歌星」獎?林峯思考一秒﹕畀梗係要啦!
回巢林峯無綫杜之克
林峯離巢5年,今日由無綫高層護航現身「HOMECOMING」記者會。(下圖﹕資料圖片/無綫電視截圖)
林峯於2014年離開無綫往外闖,當時關係緊張,林峯更曾遭封殺(相關新聞﹕ https://bit.ly/2Cs7K81 )。但地球是圓,今日林峯又高調宣佈回巢,由無綫高層杜之克、何哲圖及余詠珊護航現身「HOMECOMING」記者會,透露將會與星夢娛樂合作,唱歌兼拍劇,但經理人合約依舊是天高娛樂,與佘詩曼、宣萱同門。
現場有大批Fans到場支持,除播放林峯過去演出的經典劇集及得獎片段外,無綫更送上金鑽TVBuddy和金咪祝賀。
林峯透露今次是杜之克邀請回巢,稱回歸TVB這個決定其實並不突然,他說:「呢五年一路都有同TVB嘅舊同事食飯,每次喺街見到有無綫嘅外景車甚至新聞車,都會睇吓有冇認識嘅同事,佢哋都有問我幾時返嚟呀?我就主要睇個project,希望同睇住我大嘅同事再次工作,好開心。」
希望攞「視帝」?林峯說:「唔好嫌我老土,攞獎對我嚟講唔係最睇重,我係一個需要過戲癮嘅人,拍咗20年戲,希望尋求突破。」是否想重奪「最受歡迎男歌星」獎?林峯思考一秒後說:「畀梗係要啦!」問到酬勞是否很吸引?林峯笑笑口說:「友情價、回歸價,因為返娘家真係好開心,好掛住所有同事。」
林峯透露正計劃明年舉行入行20周年演唱會,現在已開始籌備新歌,他說﹕「會返內地巡迴演出,嚟緊5月會去澳門開騷Warm Up先,嚟緊仲會向紅館入紙申請明年個唱。」
《蘋果動新聞》訂閱新世代,4月開始免費訂閱,現在接受登記!
http://bit.ly/2Ja3IXw
全港打工仔特約:Lun廚動腦Q
加開1:30pm
3月11至22日
星期一至五1:30pm 10:30pm
http://bit.ly/2IZA8Ef
林峯稱今次回巢是「友情價」及「回歸價」,咁即係......?