雷琛瑜（J.Arie）今日喺商台宣傳新歌《我錯》，係電影《失戀日》嘅主題曲，佢話為配合電影主角鄧麗欣（Stephy）嘅演繹，所以自己唱歌時都唔會太淒慘。

J.Arie又話自己拍拖時唔會講太多自己感受，但又怕男朋友將感覺放喺心，只係黑面嬲，佢話：「我會覺得好難頂，o依家同男朋友發展穩定，大家因音樂而認識，希望音樂將我哋帶住走。」稍後J.Arie會有個小型音樂會，已邀請林家棟、林德信等朋友去睇。