不過，之後我發現原來怪錯好人，基頓自舊年11月起一直唔剃鬚，原來係為哈特斯菲爾德一個基金籌款，而喺佢籌得超過3,000鎊嘅善款之後，佢已經喺上星期六晚剃咗鬚，仲喺星期日自拍咗張剃晒鬚嘅靚仔相擺上twitter（上圖右）。其實，足球員近年都有好多類似嘅籌款活動，好似之前侯城中場侯度史東就一直唔入波就唔剪頭髮嚟籌款。
我忽發奇想，如果靚仔球星好似馬高列奧斯等發起用人體彩繪代替着波衫嚟籌款，要入夠一定球數先着番波衫比賽，咁一眾姊妹咪有眼福囉！
文：吾中
以女性角度看球星新聞，唔用眉筆用原子筆寫低球壇百態！